رئيس حزب شعب مصر يوضح حقيقة مقاطعة الانتخابات

يلا نقاطع الأنتخــابات !!

بنسمعها كتير الفترة ديهده رأيك وأنت حر، بس اسمعني للآخر…”

لما تيجي تقول إن البرلمان بيطلع قوانين مش في صالحنا،
ولما تقول إن في ناس بقوا نواب وهما لا بيمثلونا ولا بيخدمونا،
ولما تبقى شايف إنك عندك كفاءة وخبرة تقدر تقدم بيهم للناس وتخلي مكانك فاضي،
وتسكت، وتبيع صوتك، وتضيع حقك،
وبعد كده تقول نقاطع الأنتخابات
ساعتها… ماتلومش غير نفسك.

لإنك انت اللي إديت الفرصة لغيرك،
وانت اللي ضيّعت على نفسك الفرصة.

إحنا زيك… زعلانين، وحاجات كتيرة مع بعض عليها متفقيين
بس لأن القانون مش بيمنع حد من المشاركة،
قررنا نمد إيدينا لبعض، وندشن “القائمة الشعبية” لإنتخابات مجلس النواب 2025 قائمة نختارها من ناس مننا وعايشين حلمنا

هتقولّي برضو “هي خلصانة؟“
هقولك: أيوه… لو كلنا قاطعنا، ومحدّش شارك

لكن… لو نزلنا كلنا وشاركنا في قائمتنا، هتبقى في منافسة حقيقية.

وافتكر معايا:
انتخابات 2020، الأقصر عملت إيه؟
وكوم حمادة قالـت إيه؟
صوت الناس لما بيتجمع بيغير.

ماتقولش مقاطعة…
ده فكر لازم نغيره،
لأنه بيضرنا إحنا، وبيضر بلدنا.

وبعد اللي قولته .. حتقولي كفاية شعارات

أقولك الثورة كانت شعار

والشعار حافظ علي البلد وسارع بالتغير

يلا نشارك مع بعض في “القائمة الشعبية“…

صوتك، وصوتنا، هو اللي يفرق.

القائمة الشعبية هي الأمل اللي باقـي

القائمة الشعبية صوت كل مواطن حر يسعي للتغير

لمشاهدة الفيديو : اضغط هنا